لم اللمه يلا يا صاحبى
نمد أيدينا للبنيان
لأجل بلادنا عشان أولادنا
أيد مين غيرنا هتجرى وتسعى للعمران
لم اللمه يلا يا صاحبى .. نمد أدينا للبنيان
يلا يا صاحبى مش عايزين الوقت يطول
يلا يا صاحبى مش عايزين الرحمه تزول
هات مفتاحك يلا ونبدأ
بينا نلبس الأفرول
بينا نكافح يلا ونعرق
لأجل ما عنا الغمه تزول
يلا يا صاحبى مش عايزين الوقت يطول
يلا يا صاحبى مش عايزين الرحمة تزول
باقول ايه يا صاحبى
يلا نبدأ نسمع بعض
يلا نصون جوانا العرض
لم اللمه وهم الهمه
تخلى تكلنا على الرحمن
لم اللمه يلا يا صاحبى نمد ايدينا للبنيان
لأجل بلادنا عشان أولادنا .. أيد مين غيرنا هتجرى وتسعى للعمران
اوعاك تسمع مره يا صاحبى
للى بيدعو للعصيان
واللى يحاولوا باسم الثوره
يزرع فتنة فى الأركان
اصح يا صاحبى يلا وفوق
قبل ما تتهد العمدان
هات اللمة يلا يا صاحبى نمد ونرفع في البنيان
هات الأوفه وشيل الفأس
يلا نشغل المحراث
نزرع شجره نصلح مكنه
يلا ندور الكباس وان كان فينا واحد تالف
مش هنبص عالتلفان
هات اللمة يلا يا صاحبى نمد ونرفع في البنيان
يلا نزيد العلم علام
يلا نسبنا مالإعلام
يلا نفكر يلا نطور
نزرع فأولادنا الإيمان
وبالإنتاج هتقوم القومه
لأجل منلحق بالركبان
هات اللمة يلا يا صاحبى نمد ونرفع في البنيان
مستقبلنا الحلو قريب لينا
ياصاحبى وكل حبيب
وموش هندخل بينا غريب
لأجل ما نعلى بالاوطان
هات اللمة يلا يا صاحبى نمد ونرفع في البنيان
مصر بإذن الله محفوظه
طول ما الشعب الأيد في الأيد
طول ماولادها يحبوا ترابها
طول ما يزيد العزم حديد
مصر بأذن الله محروسه
من أعدائها والحساد هات اللمة يلا يا صاحبى نمد ونرفع في البنيان
يلا ناخد العهد علينا
بإن الصحرا تبقى عمار
نخلى الدنيا تحلف بينا
وتهنينا عالإصرار
نرسم لوحة جميله لبلدى
في كل حاره وعالجدران
هات اللمة يلا يا صاحبى نمد ونرفع في البنيان
أ . أحمد راجح _ مدير الموارد البشرية لقطاع المعامل