لما جيت الدنيا يا أمى لقيتك واقفه قصادى .. وقلبى بيحضن قلبك ودايما عليكى بينادى
زى النسمه ... وطبعك هادى وجمال صبرك شئ مش .... عادى
وعمر صورتك ما فارقت عينى لانك ساكنه جوه ....فؤادى
وشوقى اليكى ودقة قلبى بسمع صوتك عليا ... ينادى
وجمال طبعك وحنان قلبك كأنى شوفت الجنة ....قصادى
وإن لفيت الدنيا بحالها بلاقى الدنيا عالم .... فاضى
وإنتى لوحدك كل حياتى وبنسى الدنيا وكل ....الماضى
وقبل ماشوفك بلمح طيفك وبحمد ربى وبكون .... راضى
إنتى الدنيا ....وكل الدنيا وإنتى الحكم وإنتى القاضى
إنتى الحاضر وإنتى الماضى وإنتى يا عمرى كل الأتى
بدعى ربى يديمها عليا وتبقى معاى فى كل حياتى
كلمات الشاعر / عادل عويس ابو الهنا
رئيس قطاع شئون مالية وإمداد إدارة ورش العمرات سابقاً