الواحة

رسالة حب فى أكتوبر

على جبين الزمن بارسم .. وأكتب بالنيون عنوان
صباح الخير على أرضى .. على أكتوبر على الفرسان
صباح الخير على بلدى .. على ولدى على الإنسان
على جبين الزمن بأرسم .. واكتب بالنيون عنوان
وكل م تيجى يا اكتوبر .. تفكرنا كثير بحاجات
وتاريخنا والله عارفينه .. وحافظينه وفيه بطولات
وعمرى والله ماهنسى .. ولا ننسى تاريخ ثورات
على جبين الزمن بأرسم .. واكتب بالنيون عنوان
سنين مرت على الفرحة .. وبرضة ع الطريق ماشيين
وشمع التورتة أهو قايد .. بنور زايد على الحاضرين
ودايماً مصر منصورة .. وفى الصورة يارب أمين
على جبين الزمن بأرسم .. واكتب بالنيون عنوان

عرفنا يومها سكتنا .. ورتنا كما بيتنا .. وقدمنا لأرواحنا كتير
حلفنا نمحى نكستنا .. ونجحت والله خطتنا .. وعدينا بنصر كبير
وقلنا لك يا سينا سلام .. وحققنا مع الأيام .. نجاح والله ملهوش نظير
على جبين الزمن بأرسم .. واكتب بالنيون عنوان

وجيت يـ أكتوبر من تانى .. نغم تانى .. وزى زمان
وعادت لينا أفراحك .. وازهارك .. عبيرها حنان
وسينا يـ مصر محروسة .. وميت بوسة .. من الخلان
لجيل أكتوبر .. وأولادنا .. وجيلنا اللى ضحى زمان
حفرت فينا فرحتنا وبسمتنا .. ولهفتنا ونصرتنا بأيد شجعان
كان السادس من أكتوبر .. كان العاشر من رمضان
على جبين الزمن بأرسم .. واكتب بالنيون عنوان
كلمات : أحمد راجح
المقاولون العرب – رئيس قطاع الموارد البشرية – فرع سيناء

جميع الحقوق محفوظة 2014 © المقاولون العرب | تصميم مركز معلومات الإدارة العليا

المتواجدون الأن 1536 / 28