العمل هو الأمل
إنت يابن مصر ياللي بتدي للعالم دروس
إمتى تصحى بس قوللي إمتى هتفوق من الكابوس
مصر بلدك بتناديلك شد حيلك يالا قوم
العمل هو الأمل الوقت ده مش وقت نوم
بكرة أحلى من النهاردة بس لو نتعب شوية
إشتغل وإعرق هتلقى كل حاجة حلوة جاية
بص شوف دول كتيرة كانت فقيرة في كل حاجة
بالعمل بقت كبيرة دلوقتي مش محتاجة حاجة
صدقوني لو إشتغلنا بجد مش نحتاج لحاجة
وربنا يبارك عملنا ونعدي من عنق الزجاجة
رب العباد ورسوله بيحبوا الإيد الشغالة
لو نجم في السما هنطوله دي مصر بلد الرجالة
كلنا يا ولاد بلدنا محتاجين نصبر شوية
مش عشانا عشان ولادنا ترتاح الفترة اللي جاية
لو هناكل لقمة حاف بس منمدش إيدينا
بالحب وبالإرادة هنعمل كل شيء
أصل العمل عبادة وده بداية الطريق
إنت ياللي في مصنعك وانت ياللي في شركتك
عمر الإله ما يضيعك بس انت حب شغلتك
ياللي انت نايم في العسل قوم يالا سيبك من الكسل
دانت يا مصري في التاريخ بيضربوا بيك المثل
من جدود أجداد جدودنا واحنا اهل علوم ودين
بص شوف أزهر بلدنا والملوك متحنطين
من خيوط الليل هنغزل نور شروق شمس النهار
وبأمل وبحب نملا كل أرض الكون عمار
كلمات شاعر بلدنا
الشاعر / حسن عزو
عضو جمعية المؤلفين والملحنين والناشرين
إدارة معامل شركة المقاولون العرب