الواحة

آن الآوان يـ رجالة

آن الأوان يـ رجالة آن الأوان
لأجل مـ نبنى ونعمر لأجل الأوطان
عيد ورا عيد بيعدى علينا
واياكم يـ رجالة ... بتحكى كل يوم قصة
بترسم ع الجبين بصمة
وفى عيد عمالك يـ بلدنا  .. بحييكم وأهنيكم فى كل زمان
آن الأوان يـ رجالة آن الأوان
أملنا فيكم يـ عمالنا كبير وكبير
وطول ما المكنة شغالة
وطول ما الزرعة مياله
أملنا فيكم يـ عمالنا ملهوش نظير
آن الأوان يـ رجالة آن الأوان
علوا يلا همتكم كمان وكمان
يلا نزيد العلم علام
يلا نفكر يلا نطور
لأجل مـ نلحق بالركبان
آن الأوان يـ رجالة آن الأوان
بلدكم فى احتياج ليكم ومهما كانت العسرة
لابد بعدها يسره .. ولا نعرف طريق حسره
دى رفعتها فـ رفعتكم .. وخيرها علينا وعليكم
يلا ناخد العهد علينا بإن الصحراء تبقى عمار
نرسم لوحه جميلة لبلدى .. نزرع فـ ولادنا الإيمان
آن الأوان يـ رجالة آن الأوان
مصر بإذن الله محفوظة .. طول مـ الشعب الأيد فـ الأيد
طول مـ ولادها يحبوا ترابها .. طول مـ يكون العزم حديد
مصر بإذن الله محروسة .. من أعدائها والحساد
وفى عبد عمالك يـ بلدنا .. بحييكم وأهنيكم فـ كل زمان
آن الأوان يـ رجالة آن الأوان
كلمات : أحمد راجح
رئيس قطاع – مدير الموارد البشرية لإدارة طرق وجه قبلي