الواحة

طقطوقة

أيام مكتوبة علينا وبنعشها
ومش بإيدينا ها نحوشها
دلع نفسك ونعنشها
وابعد عن اللي يدوشها
وكون خفيف الظل دايما وفرفشها
تبقى كده فهمت الدنيا وهانعشها
يوم حلو ويوم مر
وأهي أيام وكلها بتمر
أيام صافية وأيام جافيه
وربنا يقوينا ويعطينا العافية
عشان كده لازم نعيش ببساطة
يوم ناكل فول وبطاطا
ويوم بنبون وشيكولاته
وخليك بسيط واوعى تسوق في الألاطه
عشها كده زي ماهى
وكون حسن النيه
واوعى تبص يوم ع المهيه
دا ربنا بيرزق النحل في الخليه
والوحوش في البريه
عشها كده زي ماهى
شعر:عادل عويس