الواحة

أكتوبر (مجد وكرامة)

بين أحضان الزيتون والنخيل
وبين بزوغ الشمس ويا الغروب
جوه السكون
واقف على أرضك
بين حب الرمال والصخور

شايل ما بين القلب حب الوطن
احكى لولدى ولولد ولدى
كأنى رسول
فارش ذكريات المجد يوم العبور
فارد جناح العزة والباع الطويل
مات جوانا السكون
أصبح في عز العنفوان
يومها الصمت انكسر
المصرى أصبح ديدبان
حطم جدار الوهم والذل والليل الطويل
وقتها لما القرار اتقال
لما كانت الأيد في الأيد
لما كان العزم شديد
لما كان الخوف على غيرنا
لما كانت الرحمة تسعنا
والإيمان جوانا شايلنا
قدرنا نحقق نصر مجيد
لما كانت الأيد في الأيد ... لما كان العزم حديد
أكتوبر مش بس نجاح
ولا حدوته ولا أفراح
ذكرى جميلة نشأت فينا
زرعت جوانا الإحساس
خلت كل الدنيا ساعتها
من دهشتها
وقفت جنبينا بإخلاص
لما كانت الأيد في الأيد .... قدرنا نحقق نصر مجيد
كان العاشر من رمضان
بركة ورحمة من الرحمن
بعثت فينا كل ما تمناه الإنسان
قوت جوانا الإيمان
أغلى كرامة وأسمى شهامة للمصرى بين البلدان
انه يكبر ربه ويحمده على نصره فـ شهر الغفران
على عودة أراضينا الحرة

شبر بشبر ورمله برملة
مسقية بدم شهيد

لما كانت الأيد في الأيد ... قدرنا نحقق نصر مجيد
كلمات أحمد راجح
رئاسة قطاع الموارد البشرية للمركز الرئيسى منطقة طنطا

جميع الحقوق محفوظة 2014 © المقاولون العرب | تصميم مركز معلومات الإدارة العليا

المتواجدون الأن 83 / 29